我的心情日記~

 14-11-2005

今日申請ge~第一日寫~點解突然用呢個呢??因為有D野唔想寫落本Diary度呀~~呢度係用黎寫特別野ge~

日子過得好快~今日已經係14號啦~仲有5日Steven就要返廣州啦~雖然佢make sure下年返黎~但問題係佢會唔會搵返我呢~?呢個先係問題~!聽Crystal講佢聽日一定會返黎,但未必會見到佢~如果聽日見到佢ge話……聽日就會係今年見佢ge最後一日~如果聽日見唔到……咁上個星期四就係今年見到ge最後一日啦~

今曰上Art果時,見Crystal寫話唔捨得Steven走~自己突然有感而發寫了一篇日記落我地本Diary度~~讀左俾哎呀表哥Alan聽佢得啖笑~Avon睇左叫我唔好傷心~Shit~!!勁無奈~~

以下是Diary中的一些內容~

接Crystal之話題~其實唔捨得佢ge又點會只有你一個呀??至少仲有我呀~

雖然我同佢唔太熟~極其量只可以講係朋友~兄妹??我覺得自己冇資格~~!!

雖然佢係我契哥~ Steven係我0係澳洲識ge第一個中國人~我2月8號識佢~雖然佢無點樣照顧過我,無點樣關心過我, 又無點樣理過我~ 除了識左佢頭兩個星期之外~到7月份先好返~不論點都好,但係佢0係我心裏面一早就已經佔了一個好重要ge位置~~!講真ge~我好好好好羨慕Crystal~因為她跟Steven可以那麼要好~其實我都好感激Crystal,係Crystal黎左Steven先理返我~~我可以確定Steven理返我完全係因為Crystal~~!!就算唔係完全,都有一半係~~ Steven理返我之後,我地相處左一段好好ge時間~雖然Crystal無我識Steven咁耐~但係佢同Steven相處ge時間應該同我一樣~分分鐘多過我都唔出奇~鬼叫我揀Brett So咩??

如果Steven一直唔理我,佢走~我都唔會話唔捨得~依家我好好好好唔捨得~

唔知下年有無機會見到佢~不過就算下年無機會見到佢,我都唔會怨天尤人,因為我曾經擁有過同佢相處ge日子~~雖然真正只有3個月~但都已經好好~曾經擁有過都好過完全未曾擁有過呀~~

成日聽人講 ”不在乎天長地久,只在乎曾經擁有 ”,人真的可以這樣嗎??

最後,我忍不住寫了一句歌詞~” 心愛的 為何又要變做懷念” 自Stephy ge不要離我太遠~講住咁多先啦~~

如果若干年後~我再回想起0係我中學時期,曾經有一個咁樣令我心動ge人~唔知果時個心情係點呢??到時究竟係傷感呀??定還是係懷念呢??我唔希望有呢一日~因為如果有若干年後ge呢一日~即係等如我同Steven已經無哂聯絡啦~~!!我寧願同佢做一世朋友~~~!!